Carissimi eccomi qui in questo nuovo blog vi do il benvenuto iniziando con questi bellissimi scritti famosi e non.
La realtà della vita
La realtà della vita
In prinsipio Dio creò el musso e ghe dise : te sarè musso, te lavorarè sensa mai lamentarte dall’alba al tramonto, portando pesi sua gropa, te magnarè erba, non te gavarè l’ inteigenza e te vivarè fin 40 ani. Te sarè musso.
El musso ghe risponde: sarò musso però rivare fin 40 ani xe massa, damene pena 20 ani.
El Signore dise: va ben. Alora Dio crea el can el ghe dise:sarè can. Te difendarè a casa de l’omo e te sarè el so mejore amico, te magnarè queo che i tedarà e te vivarè 25 ani: te sarè can.
El can ghe risponde: Signore, vivare 25 ani xe massa par mi, damene 10 che me basta.
El Signore lo accontenta.
Allora Dio crea la simia: te sarè simia dise el Signore te saltarè de ramo in ramo facendo la paiassa, te divertarè tuti e te vivarè 20 ani. Te sarè simia.
Signore vivare 20 ani la xe dura damene solo 10 ani . Concesso dise el Signore.
Finalmente Dio crea l’omo el ghe dise: Te sarè omo, l’unico essere rasionale sua faccia dea tera, te usarè l’inteigenza par comandarghe ae bestie, te dominarè el mondo intiero e te vivarè 30 ani.
Risponde l’omo: Signore, sarò omo,però vivare 30 ani me par pocheto damene anca i 20 che el musso gà rifiutà i 15 che el can non ga vossuo e i 10ani che la simia non gà acetà.
Cussì el Signore ga fato.
Da Allora l’omo vive 30 ani da omo el se sposa e passa 20 ani da musso lavorando e portando tuto el peso dea fameia sora e spae ,dopo quando i fioii va par conto suo el vive 15 ani da can tendendo la casa dei fioii che i va in ferie, tendendo i nevodi e fasendo da magnare par tuti, par dopo rivare a essere vecio ndare in pension e vivare 10 ani da simia saltando de casa en casa de fiolo en fiolo facendo el paiasso par divertir i nevodi.
Nessun commento:
Posta un commento